Pulutan # 3 Camaron Rebosado

Welcome to The Cooking ng Ina mo Show, ito na naman po ako ang nagmamagandang feeling CHET este Chef pala na nais magbahagi sa mga Usisero at Usisera na napapadpad dito sa aking bahay ang bahay ni Lola mikaela (ina na lola pa).

Ok Lets get it on (fave line ni PAcman)

-Bumili ng Hipon (katamtamang laki)tanggalin ang shell, iwanan ang buntot. hiwain sa likod (kunti lang) para matanggal ang bituka at linisin.

-Mag handa ng Harina, itlog at Bread crumbs sa bawat plato,kung walang bread crumbs pwede na rin ang harina, pero kung gusto mo ng alternatibo sa bread crumbs pwede na rin ang egg nog at pasencia biscuit durugin lang para maging bread crumbs.

- timplahan ang itlog na binati ng kunting asin at pamintang durog ,batihin.

- kumuha ng hipon i dip sa itlog tapos sa harina tapos sa itlog uli at huli ang bread crumbs para ka lang nag lalaro ng sungka. (paalala pag hindi ka bumilik sa itlog di magiging maganda ang coating ng hipon, wag mag short cut)

- gawin sa lahat ng hipon bago i deep fry para hindi tanranteycious pag nagluluto na.

-at dahil standard tayo pagkaluto ilagay sa plato na may absorbent paper para matanggal ang mantika.

- masarap na sawsawan toyo na may kalamansi, ketsup o ketsup na may mayonnaise depende sa trip mo.

- Masarap ulamin at masarap ding gawing pulutan ilayo lang sa swapang na kainuman

MOTTO FOR THE DAY: Walang Iwanan sa Katakawan

ito ang inyong Cooking ng Ina mo Show signing off....................................

Pulutan # 2 - Sizzling Corn and Carrots

Ito nanaman po tayo sa isang kapanapanabik na Pulutan ang sizzling corn and carrots (pasensya na picture na walang ka art art). Sa sobrang hirap ng buhay ngayon eh naisip namin ni Mister na bawasan na muna ang paglalakwatsa at tumambay muna sa bahay at mag tipid tipid. Pero, Datapwat, ngunit, subalik pwede pa rin naman mag happy happy sa bahay na makatitipid ka davah! Heto ang pulutan namin ngayon ang sizzling corn and carrots with matching Cali Shandy, Cali Ice para sakin at ang bago sa aming panlasa ang Infinit (P23.50)ready to drink cocktail na gawa ng San Miguel maraming pagpipilian flavor nariyan ang tropical pineapple, grapes, langka, sampalok,guava at kamias (joke) masarap naman at may kunting tama din dahil may halo syang Rum kaya pede na ring pampatulog. Sa mga trip gumawa ng sizzling corn and carrots eto ang mga kailangan 1can whole corn, butter,1 carrot, cheddar cheese, evap milk. Hiwain ang carrots katulad ng nasa larawan, palambutin gamit ang kunting tubig pwede rin naman hindi na palambutin kung gusto mo ng matigas na carrots hehe. Buksan ang 1can whole corn gamit ang ngipin idrain. Painitin ang sizzling plate (kung walang sizzling plate pwede na rin ang kawali) pagmainit na patayin ang apoy ilagay ang butter sunod ang corn, sunod ang carrots mix mix ng kunti lagyan ng kunting evap milk kunti lang wag ma excite hindi yan champorado ok. pwede rin naman hindi lagyan its your choice men. tapos pag na mix na lagyan na ng cheese sa ibabaw Yun na yun

Easy na mura pa. hanggang sa muli paalam!!!

Pulutan # 1 - Baked Scallops

Baked Scallops plus cold beer ngayon tag-ulan yan ang trip namin ngayon ni hubby. Yes! oo! korek! lasingan na to! matira matibay!. Pagtapos magwala ni FRANK na dalawang araw dumaan dito sa Negros Occidental eh kami naman ang magwawala. Ito ang aming pulutan Baked Scallops na mainit init pa, want to try it? here's how! (1) bumili ng scallops (naman) 10 to 15 pcs nasa 60 pesos depende sa laki (2) tomato sauce (small pack) (3) sibuyas at bawang (tadtarin na parang wala ng bukas) (4) butter (5) at ang secret ing asin at paminta(ngek). Hugasan lang ang scallops sa tumatakbong tubig(running water), igisa ang bawang at sibuyas sa butter sa mahinang apoy ilagay ang tomato sauce. timplahan ng asin at paminta. Lagyan ng saktong sarsa ang bawat scallops at lagyan ng quickmelt sa ibabaw at i baked na sa oven. Ola may baked scallops ka na. INUMAN na inuman na wala ng patumpik tumpik pa INUMAN NA!!! tagay mo pa brod! (kala mo lasinggero sa kanto)